Isaiah 22

दृष्टान्ताच्या खोऱ्याविषयी देववाणी

1दृष्टांताच्या खोऱ्याविषयी ही देववाणी;

तुम्ही सर्व घरच्या माळीवर जात आहा, त्याचे काय कारण आहे?
2एक गोंगाट शहर, आंनदाने भरलेली नगरी,
तुझ्यातील ठार केलेले तरवारीने आणि ते युद्धात मारले गेले नाहीत.

3तुझे सर्व अधिकारी एकत्र होऊन पळाले, त्यांना धनुर्धारांनी त्यांना धरले आहे,

तुझ्यामध्ये जे सापडले त्या सर्वांना त्यांनी एकवट करून बांधले, ते दूर पळाले आहे.
4यास्तव मी म्हणालो, माझ्याकडे पाहु नका, मी कष्टाने रडेन,
माझ्या लोकांच्या मुलीच्या नाशाबद्दल माझे सांत्वन करु नकोस.

5कारण हा गोंगाटाचा, पायाखाली तुडवण्याचा आणि गडबडीचा दिवस सेनाधीश परमेश्वर, प्रभू

याजकडून दृष्टांताच्या खोऱ्यात आला आहे. त्या दिवशी लोक भिंती फोडतील आणि डोंगराकडे ओरडतील.
6एलामाने मनुष्यांचा रथ आणि घोडेस्वार घेऊन बाणांचा भाता वाहिला,
आणि कीराने ढाल उघडी केली.
7आणि असे झाले की तुझे निवडलेले खोेरे
रथांनी भरून गेले आणि घोडस्वार वेशींजवळ आपापली जागा घेतील.

8त्याने यहूदावरील रक्षण काढून घेतले आहे,

आणि त्या दिवशी तू वनांतील घरांत शस्त्रांवर दृष्टी लावली.
9दाविदाच्या नगराला पुष्कळ भगदाडे पडलेली तुम्ही पाहिले आहे,
आणि तुम्ही खालच्या तळ्यातील पाणी जमा केले.

10तू यरुशलेमेच्या घरांची मोजदाद केली, आणि आणि भिंत बळकट करण्यासाठी तू घरे फोडली.

11दोन भिंतीच्या मधे हौद बांधून जुन्या तळ्याच्या पाण्यासाठी सोय केली.
पण तू शहर बांधनाऱ्याचा विचार केला नाही, ज्याने त्या बद्दल पूर्वीच योजीले होते.

12त्या दिवसात सेनाधीश परमेश्वर म्हणाला,

रडावे, शोक करावा व टक्कल पाडावे आणि गोणताट घालावे.
13परंतू त्याऐवजी, पाहा, उत्सव आणि हर्ष, बैल मारणे, मेंढरे कापणे, मांस खाणे व द्राक्षारस पिणे चालले आहे.
आपण खाऊ व पिऊ, कारण उद्या आपल्याला मरायचेच आहे.
14आणि सैन्याच्या परमेश्वराने माझ्या कानात हे सांगितले की,
तू मेला जरी, तरी या तुझ्या पापांची क्षमा केली जाणार नाही. सेनाधीश परमेश्वर असे म्हणतो.

शेबनाच्या जागी एल्याकीम येणार

15सेनाधीश परमेश्वर, प्रभू असे म्हणतो, हा कारभारी शेबना, जो राजाच्या घरावर नेमला आहे, त्याकडे जा व त्याला बोल;

16तू येथे काय करीत आहेस? तू कोण आहेस?
जसा कोणी आपली कबर उंच ठिकाणांत खोदतो आणि आपले राहण्याचे स्थान खडकामध्ये करतो तशी तू आपणासाठी कबर खोदीत आहे.

17पाहा, परमेश्वर पराक्रमी मनुष्यासारखा तुला फेकुन देईल आणि तुला घट्ट धरील.

18तो तुला गुंडाळून चेंडुसारखा मोठ्या देशात फेकून देईन,
तू आपल्या धन्याच्या घरात अप्रतिष्ठा असा आहेस तो तू मरशील, आणि तुझ्या गौरवाचे रथ तेथेच राहतील.
19प्रभू परमेश्वर म्हणतो मी तुला उच्च पदावरून काढून टाकिल तुझे उच्च पद हिसकावून घेईल. तू खाली ओढला जाशील.

20आणि त्या दिवशी असे होईल हिल्कीयाचा पुत्र एल्याकीम यास मी बोलावीन.

21तुझा झगा मी त्याला घालीन व आणि तुझा कमरबंध त्याला देईन आणि तुझे अधिकर मी त्याच्या हाती देईन.
यरुशलेमेच्या राहणाऱ्यांना व यहूदाच्या घराण्याला पिता असा होईल.
22दाविदाच्या घराण्याची किल्ली मी त्याच्या खांद्यावर ठेवीन,
तो उघडील आणि कोणीच ते बंद करणार नाही, आणि जे काही बंद करील ते कोणीच उघडू शकणार नाही.

23त्याला मी सुरक्षीत ठिकाणी खिळ्याप्रमाणे पक्का करील,

आणि तो आपल्या पित्याच्या घराला वैभव राजासन असे होईल.
24त्याच्या पित्याच्या घराण्यातील सर्व गौरव, मुले व संतती, सर्व लहान पात्रे,
पेल्यापासून सुरयापर्यंत सर्व भांडी तिच्यावर टांगून ठेवतील.

सेनाधीश परमेश्वर असे म्हणतो, मग असे घडेल की, भिंतीत पक्का केलेला खिळा असतो तो शिळ्या जवळ ढिला होउन पडेल व जो भार तिच्यावर होता तो छेदला जाईल, कारण परमेश्वर हे बोलला आहे.

25